Ağdaş rayon İcra Hakimiyyətinin başçısı Tofiq İbrahimov 2022-ci ildə təsdiq olunmuş qrafikə uyğun olaraq növbəti səyyar qəbulu Abad kənd sakinləri ilə keçirdi.
Ağdaş rayon İcra Hakimiyyətinin başçısı Tofiq İbrahimov 2022-ci ildə təsdiq olunmuş qrafikə uyğun olaraq növbəti səyyar qəbulu Abad kənd sakinləri ilə keçirdi. Görüşdə rayonun hüquq-mühafizə orqanlarının, idarə, müəssisə və xidmət təşkilatlarının rəhbərləri və Abad kənd sakinləri iştirak edirdilər. Ağdaş rayon İcra Hakimiyyətinin başçısı Tofiq İbrahimov respublikamızda olduğu kimi Ağdaş rayonunda da həyata keçirilən sosial-iqtisadi və infrastruktur layihələrdən danışdı. Rayon rəhbəri əhalinin sosial problemlərinin həlli istiqamətində həyata keçirilən tədbirlər və bu sahədə qarşıda duran vəzifələr barədə də ətraflı məlumat verdi. Səyyar qəbulda sakinləri narahat edən müxtəlif məsələlər – müalicəyə köməklik, işlə və maddi yardımla təminat, elektrik dirəkləri və xətlərinin dəyişdirilməsi, kəndarası yolun təmiri, kəndin qazlaşdırılması, sosial yardımla təminat və digər mövzulara rayon rəhbəri tərəfindən aydınlıq gətirildi, müvafiq izahatlar verildi və qaldırılan məsələlərin həlli istiqamətində əlaqədar qurum və təşkilatların rəhbərlərinə yerindəcə tapşırıqlar verildi.
