Şriftin ölçüsü :

Saytın rəngi :

Ağdaşda ”Yaşlı nəslin təcrübəsindən faydalanaq” adlı tədbir keçirildi

13 oktyabr 2014 | 10:00

10 may 2014-cü il tarixdə saat 11-00-da  Heydər Əliyev Mərkəzində  rayon icra hakimiyyəti, Ailə, Qadın və Uşaq Problemləri üzrə Dövlət Komitəsi ilə birgə  ”Yaşlı nəslin təcrübəsindən faydalanaq” adlı tədbir keçirilmişdir.
  Tədbirdən öncə rayon ictimaiyyətinin nümayəndələri ulu öndər Heydər Əliyevin abidəsini ziyarət edərək önünə gül dəstələri qoymuşlar.
  Heydər Əliyev Mərkəzinin konfrans zalında  davam edən tədbirdə Azərbaycan ailələrinin həyatını əks etdirən qısametrajlı filmlərin nümayişi keçirilmişdir.
Tədbiri giriş sözü ilə rayon icra hakimiyyəti başçısının birinci müavini Cavid Osmanov açmışdır.
Ailə, Qadın və Uşaq problemləri üzrə Dövlət Komitəsinin sədr müavini Sədaqət Qəhrəmanova çıxış edərək respublikamızda  qadın problemləri ilə bağlı görülən  işlər barədə məlumat vermiş, müasir ailələrin üzləşdikləri problemlərdən söz açaraq milli mənəvi dəyərlərin qorunub ötürülməsində yaşlı nəslin təcrübəsindən daha çox istifadə edilməsinin vacibliyini vurğulamış, ailə dəyərlərinin qorunmasında dövlət və qeyri-hökumət  strukturlarının, ağsaqqal və ağbirçəklərin,  eyni zamanda cəmiyyəti narahat edən  bu problemin həll edilməsində cəmiyyətin bütün üzvlərinin səfərbər oluunmasının vacib məsələ olduğunu qeyd etmişdir.
Əməkdar müəllim Tənzilə Şıxıyeva və rayon Ağsaqqallar şurasının sədri Rafiq Nəbiyev   çıxış edərək valideynlərin öz ailələrinə məsuliyyətlə yanaşması, xüsusi ilə ailə başçısının öz mədəniyyəti, tərbiyəsi ilə nümunə olmasını, eyni zamanda gənclərin təhsillənməsi, ailə münasibətlərinin  formalaşması və inkişafında daha çox yaşlıların təcrübəsindən faydalanmağın əhəmiyyətini qeyd etmişlər.
            Gənc nəslin nümayəndəsi Camal Xəlilov  öz çıxışında ailə həyatı qurarkən yaşlı nəslin məsləhətindən mütləq istifadənin zəruri olmasının vacibliyini qeyd etmiş, bu tipli tədbirlərin  davamlı olmasını arzulamışdır.
          Daha sonra Ailə, Qadın və Uşaq Problemləri üzrə Dövlət Komitəsinin sədr müavini Sədaqət Qəhrəmanova vətəndaşların onların qarşılaşdıqları  problemləri ilə bağlı sualları cavablandırmış, problemi olan vətəndaşları qəbul etmişdir.
         Tədbirin sonunda iştirakçılara  Komitə tərəfindən çap olunmuş kitab, buklet və jurnallar paylanılmış, təhsil, mədəniyyət müəssisələri və gənclər təşkilatlarında  nümayiş etdirilməsi nəzərdə tutulan filmlərin diskləri təqdim olunmuşdur.

Keçidlər