AZƏRBAYCAN RESPUBLİKASI
AĞDAŞ RAYON
İCRA HAKİMİYYƏTİ
Xəbərlər
-
Ağdaşda Xocalı soyqırımının ildönümü müxtəlif tədbirlərlə qeyd edildi.
2021-02-26Xocalı faciəsinin 29-cu ildönümü ilə bağlı rayonun əmək kollektivləri, bütün tipdən olan təhsil müəssisələri və mədəniyyət ocaqlarında onlayn formatda tədbirlər, kitab sərgisi və rəsm müsabiqələri təşkil olunmuşdur. Fevralın 26-da rayonun bütün ümumtəhsil məktəblərində Xocalı soyqırımına həsr olunmuş xüsusi dərslər keçirilmişdir.
-
Gənclər Xocalı soyqırımının ildönümü ilə bağlı tədbir keçirdi.
2021-02-25Ağdaş rayon Gənclər və İdman İdarəsi və Dini Qurumlarla İş üzrə Yevlax Regional idarəsinin rayon bölməsi ilə birgə "Xocalı soyqırımı xalqımızın qan yaddaşıdır" mövzusunda onlayn formatda tədbir təşkil etmişdir.
-
Pirəzə kənd uşaq bağçasında təmir işləri başa çatdırılıb.
2021-02-24Son illər ərzində rayonun məktəbəqədər təhsil müəssisələrinin maddi-texniki bazasının möhkəmləndirilməsi istiqamətində tədbirlər intensiv xarakter almışdır. Ötən ilin dekabr ayından həyata keçirilən təmir işləri nəticəsində bağçanın dam örtüyü təzələnmiş, qapı-pəncərələrinin bir qismi yenisi ilə əvəz olunmuş, binada suvaq-boya işləri aparılmışdır. Təmir işləri fevral ayında başa çatdırılıb.
-
Qazi və yaralı hərbiçilər ziyarət edildi.
2021-02-23“YAŞAT” Fondunun nümayəndələri Ağdaş Rayon İcra Hakimiyyətinin əməkdaşları ilə birgə Kükəl, Orta Ləki, Aşağı Ləki, Qarağan Şıxlar, Bulaqotağı, Birinci Aral, Qaradağlı, Ovculu və Yuxarı Nemətabad kəndlərində Vətən Müharibəsi qazisi və yaralı hərbiçilərin ailələrini ziyarət etmiş, ailələrin bir qisminə maddi yardım göstərilmiş, digərlərinə isə köməklik göstərilməsi məqsədilə ilkin olaraq qeydiyyat və sənədləşmə işləri aparılmışdır.
-
Xocalı - 29-cu ildönümü
2021-02-231992-ci il fevralın 25-dən 26-na keçən gecə havadarlarının köməkliyi ilə Ermənistan hərbi birləşmələri tərəfindən Xocalı şəhəri işğal edilmiş, etnik azərbaycanlılara qarşı soyqırım aktı həyata keçirilmişdir. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib, 8 ailə tamamilə məhv edilib, 25 uşaq hər iki valideynini, 130 uşaq valideynlərindən birini itirib. Düşmən gülləsindən 76-sı uşaq olmaqla, 487 nəfər yaralanıb. 1275 nəfər əsir götürülüb. 26 fevral 2021-ci il tarixdə rayonun bütün təhsil müəssisələrində Xocalı faciəsinə həsr olunmuş onlayn dərslərin keçirilməsi təşkil ediləcəkdir. Soyqırım qurbanlarının xatirəsinin anılması məqsədilə rayonun Dövlət Bayrağı Meydanı daxil olmaqla, bütün idarə, müəssisə və təşkilatlarında Azərbaycan Respublikasının Dövlət Bayraqları müvafiq qaydalara uyğun endiriləcəkdir. 26 fevral 2021-ci il tarixdə saat 17:00-da soyqırım qurbanlarının xatirəsi 1 dəqiqəlik sükutla yad ediləcəkdir.
